હિંમતનગરમાં DGP કપ એથ્લેટિક્સ અને સાયક્લિંગ ૨૦૨૬નું સમાપન: આર્મ્ડ યુનિટ ઓવરઓલ ચેમ્પિયન

સાબરકાંઠા પોલીસના યજમાનપદે સાબર સ્ટેડિયમ, હિંમતનગર ખાતે ૨૮ સપ્ટેમ્બરથી ૧ ઓક્ટોબર, ૨૦૨૬ દરમિયાન યોજાયેલ 'DGP કપ એથ્લેટિક્સ અને સાયક્લિંગ - ૨૦૨૬' રમતોત્સવનો ભવ્ય સમાપન અને પારિતોષિક વિતરણ સમારોહ સંપન્ન થયો.

ઉત્સાહપૂર્ણ અને ગૌરવપૂર્ણ આ સમાપન સમારોહમાં સાબરકાંઠાના સાંસદ શ્રીમતી શોભનાબેન મહેન્દ્રસિંહ બારૈયા, હિંમતનગરના ધારાસભ્ય શ્રી વી.ડી. ઝાલા તથા સાબરકાંઠા જિલ્લા પોલીસ અધિક્ષક (IPS) ડૉ. પાર્થરાજસિંહ ગોહિલ વિશેષ ઉપસ્થિત રહ્યા હતા. આ ઉપરાંત પોલીસ વિભાગના ઉચ્ચ અધિકારીઓ, ખેલાડીઓ, કોચ અને રમતપ્રેમીઓ મોટી સંખ્યામાં હાજર રહ્યા હતા.

આ રમતોત્સવમાં વિજેતા ખેલાડીઓ અને ટીમોને ઉપસ્થિત મહાનુભાવોના હસ્તે ટ્રોફી તથા મેડલ આપી સન્માનિત કરવામાં આવ્યા હતા. આર્મ્ડ યુનિટ આ સ્પર્ધામાં ઓવરઓલ ચેમ્પિયન બન્યું.