Sports
હિંમતનગરમાં DGP કપ એથ્લેટિક્સ અને સાયક્લિંગ-2026નો ભવ્ય પ્રારંભ: રાજ્યભરના પોલીસ ખેલાડીઓ મેદાનમાં
સાબરકાંઠા પોલીસના યજમાનપદે હિંમતનગરના સાજર સ્ટેડિયમ ખાતે 'DGP કપ એથ્લેટિક્સ અને સાયક્લિંગ-2026' રમતોત્સવનો ઉત્સાહભેર પ્રારંભ થયો છે. રાજ્યભરની પોલીસ ટીમો ચાર દિવસીય સ્પર્ધામાં ભાગ લઈ રહી છે.
હિંમતનગર સ્થિત સાજર સ્ટેડિયમ ખાતે સાબરકાંઠા પોલીસના યજમાનપદે 'DGP કપ એથ્લેટિક્સ અને સાયક્લિંગ-2026' રમતોત્સવનો અત્યંત ઉત્સાહસભર માહોલમાં ભવ્ય પ્રારંભ થયો છે. રાજ્યભરમાંથી આવેલા પોલીસ દળના ખેલાડીઓ પોતાની ઉત્કૃષ્ટ રમત-પ્રતિભા, શિસ્ત અને ખેલદિલી દર્શાવવા માટે આ ચાર દિવસીય સ્પોર્ટ્સ ઇવેન્ટમાં એકત્રિત થયા છે.
આ રમતોત્સવના ઉદ્ઘાટન સમારોહમાં ગાંધીનગર રેન્જ આઈજી વિરેન્દ્રસિંહ યાદવ, જિલ્લાના ઉચ્ચ પોલીસ અધિકારીઓ અને વિવિધ ક્ષેત્રના મહાનુભાવો ઉપસ્થિત રહ્યા હતા. મહાનુભાવોના હસ્તે શાસ્ત્રોક્ત વિધિ મુજબ દીપ પ્રાગટ્ય અને રિબન કાપીને રમતોત્સવનું સત્તાવાર ઉદ્ઘાટન કરવામાં આવ્યું હતું. ત્યારબાદ બેન્ડની મધુર ધૂનો સાથે રાજ્યભરની ભાગ લેનાર તમામ પોલીસ ટીમો દ્વારા શિસ્તબદ્ધ અને આકર્ષક માર્ચ પાસ્ટ યોજાઈ હતી, જેમાં રેન્જ IG દ્વારા સલામી ઝીલવામાં આવી હતી.
આ ચાર દિવસીય રમતોત્સવમાં રાજ્યભરની કુલ 22 ટીમો ભાગ લઈ રહી છે. આ સ્પર્ધામાં પોલીસ કર્મીઓ પોતાની શારીરિક ક્ષમતા, રમતગમત કૌશલ્ય અને ટીમ ભાવનાનું પ્રદર્શન કરશે. આયોજકો દ્વારા ખેલાડીઓ માટે શ્રેષ્ઠ સુવિધાઓ પૂરી પાડવામાં આવી છે.
આ રમતોત્સવના ઉદ્ઘાટન સમારોહમાં ગાંધીનગર રેન્જ આઈજી વિરેન્દ્રસિંહ યાદવ, જિલ્લાના ઉચ્ચ પોલીસ અધિકારીઓ અને વિવિધ ક્ષેત્રના મહાનુભાવો ઉપસ્થિત રહ્યા હતા. મહાનુભાવોના હસ્તે શાસ્ત્રોક્ત વિધિ મુજબ દીપ પ્રાગટ્ય અને રિબન કાપીને રમતોત્સવનું સત્તાવાર ઉદ્ઘાટન કરવામાં આવ્યું હતું. ત્યારબાદ બેન્ડની મધુર ધૂનો સાથે રાજ્યભરની ભાગ લેનાર તમામ પોલીસ ટીમો દ્વારા શિસ્તબદ્ધ અને આકર્ષક માર્ચ પાસ્ટ યોજાઈ હતી, જેમાં રેન્જ IG દ્વારા સલામી ઝીલવામાં આવી હતી.
આ ચાર દિવસીય રમતોત્સવમાં રાજ્યભરની કુલ 22 ટીમો ભાગ લઈ રહી છે. આ સ્પર્ધામાં પોલીસ કર્મીઓ પોતાની શારીરિક ક્ષમતા, રમતગમત કૌશલ્ય અને ટીમ ભાવનાનું પ્રદર્શન કરશે. આયોજકો દ્વારા ખેલાડીઓ માટે શ્રેષ્ઠ સુવિધાઓ પૂરી પાડવામાં આવી છે.