વડોદરા પાસે CNG પંપ પર કારમાં ભયાનક બ્લાસ્ટ, વાહનને મોટું નુકસાન

વડોદરા નજીક કરજણ પાસે નેશનલ હાઈવે પર આવેલા એક CNG પંપ પર આજે બપોરે એક કારમાં CNG ભરતી વખતે અચાનક બ્લાસ્ટ થયો હતો. આ ઘટનાના પગલે ત્યાં અફરાતફરીનો માહોલ સર્જાયો હતો.

પ્રત્યક્ષદર્શીઓના જણાવ્યા અનુસાર, કારમાં CNG ગેસ ભરવામાં આવી રહ્યો હતો તે દરમિયાન જોરદાર વિસ્ફોટ થયો હતો. વિસ્ફોટ એટલો તીવ્ર હતો કે કારને મોટું નુકસાન થયું હતું. ઘટનાસ્થળે લોકોના ટોળા એકઠા થઈ ગયા હતા.

જોકે, સદનસીબે આ દુર્ઘટનામાં કારમાં સવાર લોકોને કે CNG પંપ પર હાજર અન્ય કોઈ વ્યક્તિને ઈજા પહોંચી નથી. આ ઘટનામાં કોઈ જાનહાની ન થતાં લોકોએ રાહતનો શ્વાસ લીધો હતો. આ બનાવ અંગે વધુ તપાસ હાથ ધરવામાં આવી રહી છે.