સુરત મહાનગરમાં BJPની 'લોકતંત્ર બચાવો' પદયાત્રા: નેતાઓ અને જનતા વચ્ચે ભિન્ન દૃષ્ટિકોણ

સુરત મહાનગરમાં ભાજપ દ્વારા શહેરના અડાજણ વિસ્તારમાં 'લોકતંત્ર બચાવો, અરાજકતા હટાવો' અભિયાન હેઠળ ભવ્ય પદયાત્રા યોજવામાં આવી હતી. કેન્દ્રીય જળ શક્તિ મંત્રી સી.આર. પાટીલ અને પ્રદેશ ભાજપ પ્રમુખ જગદીશ વિશ્વકર્મા ખાસ ઉપસ્થિત રહ્યા હતા.

કાર્યકર્તાઓએ હાથમાં બેનરો લઈને કોંગ્રેસ અને સમગ્ર વિપક્ષના કથિત દેશવિરોધી એજન્ડા સામે સૂત્રોચ્ચાર કર્યા હતા.

પરંતુ, આ રાજકીય આયોજન વચ્ચે સૌથી ચોંકાવનારી બાબત એ સામે આવી કે, રેલીમાં આવેલા સામાન્ય લોકોને પદયાત્રાના વાસ્તવિક હેતુની કોઈ જાણ જ નહોતી. નેતાઓ જ્યારે માઇક પરથી લોકશાહી અને અરાજકતા સામે લડવાની વાતો કરતા હતા, ત્યારે જમીન પર ઊભેલી જનતા અલગ જ આશા અને મજબૂરી સાથે હાજર રહી હોવાનું સામે આવ્યું હતું.