भोरमध्ये आई वाघजाई देवीच्या घटस्थापनेनिमित्त भाविकांची गर्दी; यात्रेचे स्वरूप

शारदीय नवरात्रोत्सवानिमित्त भोरचे ग्रामदैवत आई वाघजाई देवी येथे घटस्थापना कार्यक्रम मोठ्या उत्साहात पार पडला. नवरात्रीच्या पहिल्या दिवशी मंदिराच्या गाभाऱ्यात सुंदर आरास करण्यात आली होती, तसेच मंदिराला आकर्षक विद्युत रोषणाईने सजवण्यात आले होते.

मंदिराच्या परिसरात पूजेचे साहित्य आणि खाऊच्या दुकानांसह लहान मुलांसाठी खेळण्यांची दुकानेही थाटण्यात आली होती. यामुळे पहिल्या दिवसापासूनच या ठिकाणी जत्रेचे वातावरण निर्माण झाले होते.

आई वाघजाई देवीच्या दर्शनासाठी मोठ्या संख्येने भाविक उपस्थित होते. यात्रेच्या निमित्ताने परिसरातील नागरिकांमध्ये उत्साहाचे वातावरण दिसून आले.