भोर कृषी उत्पन्न बाजार समितीच्या २७ नवीन गाळ्यांचे भूमिपूजन, विकासकामाचा शुभारंभ

भोर, पुणे – भाजप नेते संग्राम थोपटे यांच्या हस्ते भोर कृषी उत्पन्न बाजार समितीच्या २७ नवीन गाळ्यांचे भूमिपूजन करून विकासकामाचा औपचारिक शुभारंभ करण्यात आला. या कार्यक्रमात बाजार समितीचे सभापती, उपसभापती, सर्व संचालक, भारतीय जनता पार्टीचे पदाधिकारी व कार्यकर्ते आणि शेतकरी वर्ग बहुसंख्याने सहभागी झाले.

बाजारपेठेचा विस्तार व आधुनिकीकरण हा काळाची गरज असल्याने नवीन गाळ्यांची उभारणी करण्यात आली. यामुळे शेतकरी व व्यापाऱ्यांना व्यवसायासाठी अधिक जागा व सुविधा उपलब्ध होऊन व्यापाराची कार्यक्षमता वाढेल.

विकासकामामुळे भोर तालुक्यातील व्यापाराला नवी चालना मिळेल, स्थानिक शेतकरी वर्गाला अधिक व्यापाराच्या संधी उपलब्ध होतील आणि बाजार समितीला आर्थिक प्रोत्साहन मिळेल.

कृषी उत्पन्न बाजार समितीच्या माध्यमातून उच्च प्रतीचे इंद्रायणी भात, सोयाबीन तेल निर्मिती प्रकल्प, व बांबू खरेदी‑विक्रीसाठी जागा उपलब्ध होईल. यामुळे बाजार समितीचे आर्थिक उत्पन्न वाढेल व शेतकऱ्यांच्या हितासाठी हक्काची हमी देणारी बाजारपेठ निर्माण होईल.