Aksmat

પોરબંદરના દરિયામાં માછીમારી દરમિયાન દુર્ઘટના: બોટ પરથી દરિયામાં ખાબકતા માછીમારનું ડૂબી જવાથી મોત
પોરબંદર:
પોરબંદરથી આશરે 41 નોટિકલ માઇલ દૂર ખુલ્લા દરિયામાં માછીમારી દરમિયાન એક અકસ્માત સર્જાયો છે.
મળતી માહિતી મુજબ, ઉના તાલુકાના ખાજડી ગામના વતની મનુભાઈ નારણભાઈ વાળા દરિયામાં પોતાની બોટમાંથી માછીમારીની જાળ નાખી રહ્યા હતા. તે દરમિયાન અચાનક અકસ્માત થતાં તેઓ બોટ પરથી નીચે દરિયાના પાણીમાં ખાબક્યા હતા. દરિયાના ઊંડા પાણીમાં ડૂબી જવાથી તેમનું કરુણ મોત નિપજ્યું હતું.
ઘટના બાદ મૃતકના મૃતદેહને પોસ્ટમોર્ટમ અર્થે પોરબંદરની મિશ્ર જનરલ હોસ્પિટલ (જી.એમ.ઈ.આર.એસ. ભાવસિંહજી જનરલ હોસ્પિટલ) ખાતે ખસેડવામાં આવ્યો છે.