Ahmedabadમાં વાદળોના ગડગડાટ સાથે મેઘરાજાની એન્ટ્રી! પાલડી, જમાલપુર, વાસણા, કાંકરિયા સહિત અનેક વિસ્તારમાં વરસાદ

Ahmedabadમાં ફરી એકવાર વરસાદી માહોલ સક્રિય થયો. વાદળોના ગડગડાટ અને વીજળી સાથે મેઘરાજાની એન્ટ્રી, શહેરમાં ભારે વરસાદની શરૂઆત થઈ.

કાળાડિબાંગ વાદળો વચ્ચે વીજળીના કડાકા સાથે તૂટી પડેલા વરસાદથી વાતાવરણમાં ઠંડક પ્રસરી, પરંતુ નીચાણવાળા વિસ્તારોમાં પાણી ભરાતા વાહનચાલકો મુશ્કેલીમાં મુકાયા.

પાલડી, જમાલપુર, વાસણા, કાંકરિયા સહિત અનેક વિસ્તારોમાં ભારે વરસાદ પડ્યો, જેના કારણે રસ્તાઓ પર પાણી ભરાઈ ગયું અને ટ્રાફિકમાં વિક્ષેપ સર્જાયો.