મુંબઈમાં ખરાબ હવામાન: 8 ફ્લાઇટ્સ સુરત એરપોર્ટ પર ડાયવર્ટ

મુંબઈમાં ભારે પવન અને પ્રતિકૂળ હવામાનની સ્થિતિને કારણે એર ટ્રાફિક કંટ્રોલ દ્વારા 8 જેટલી ફ્લાઇટ્સને ઈમરજન્સી ધોરણે સુરત એરપોર્ટ તરફ ડાયવર્ટ કરવામાં આવી છે. આ ડાયવર્ટ કરાયેલી ફ્લાઇટ્સમાં ઈન્ડિગોની 5 અને એર ઈન્ડિયા એક્સપ્રેસની 3 ફ્લાઇટ્સનો સમાવેશ થાય છે.

હાલમાં, આ તમામ વિમાનોનું સુરત એરપોર્ટ પર સુરક્ષિત રીતે લેન્ડિંગ કરાવી પાર્ક કરવામાં આવ્યા છે. મુંબઈમાં હવામાન સામાન્ય થયા બાદ જ આ ફ્લાઇટ્સને તેમના નિર્ધારિત સ્થળો માટે રવાના કરવામાં આવશે.

દરમિયાન, અચાનક સુરત આવી પહોંચેલા મુસાફરોને કોઈ અગવડ ન પડે તે સુનિશ્ચિત કરવા માટે સુરત એરપોર્ટ ઓથોરિટી દ્વારા પીવાના પાણી અને રિફ્રેશમેન્ટ સહિતની તમામ જરૂરી વ્યવસ્થાઓ ગોઠવવામાં આવી છે.