ભરૂચ: ડુંગરી રેલવે ફાટક નજીકથી 76 ગ્રામ MD ડ્રગ્સ સાથે યુવાન ઝડપાયો, ₹2.88 લાખનો મુદ્દામાલ જપ્ત

ભરૂચ શહેર બી ડિવિઝન પોલીસે પશ્ચિમ વિસ્તારમાં આવેલા ડુંગરી રેલવે ફાટક નજીક નાકાબંધી દરમિયાન એક મોટી કાર્યવાહી કરી છે. પોલીસે 76 ગ્રામ MD ડ્રગ્સના જથ્થા સાથે ધ્રુવ ગોહિલ નામના યુવાનની ધરપકડ કરી છે.

આરોપી પાસેથી MD ડ્રગ્સનો જથ્થો અને એક મોપેડ મળીને કુલ ₹2.88 લાખનો મુદ્દામાલ જપ્ત કરવામાં આવ્યો છે. પ્રાથમિક માહિતી મુજબ, આરોપી અલગ-અલગ નામનાં પેકેટ બનાવીને ડ્રગ્સનું વેચાણ કરતો હતો.

પોલીસે આ મામલે વધુ તપાસ હાથ ધરી છે. ડ્રગ્સનો આ જથ્થો ક્યાંથી લાવવામાં આવ્યો હતો અને તેને કોણે પૂરો પાડ્યો હતો તે દિશામાં તપાસ ચાલી રહી છે. આ ઉપરાંત, ડ્રગ્સના વેચાણમાં અન્ય કોઈ લોકો કે કોઈ મોટું નેટવર્ક સંકળાયેલું છે કે કેમ તે અંગે પણ ઊંડાણપૂર્વક તપાસ હાથ ધરવામાં આવી છે.