સુરતને મળી પહેલી વંદે ભારત ટ્રેનની ભેટ: હવે ઉદયપુર માત્ર 7.5 કલાક દૂર

દક્ષિણ ગુજરાતના ટેક્સટાઇલ અને ડાયમંડ હબ સુરતને 2 ઓક્ટોબર, ગાંધી જન્મજયંતિના શુભ અવસરે તેની પ્રથમ વંદે ભારત ટ્રેનની ભેટ મળી છે. સુરતથી સીધી ઉદયપુરને જોડતી આ સેમી-હાઇસ્પીડ ટ્રેનને કેન્દ્રીય મંત્રી સી. આર. પાટીલે લીલીઝંડી બતાવીને રવાના કરી હતી.

આ ટ્રેન 4 ઓક્ટોબરથી નિયમિત સમયપત્રક મુજબ દોડવાનું શરૂ કરશે. આ નવી સુવિધાને કારણે સુરત અને ઉદયપુર વચ્ચેનું મુસાફરીનું અંતર માત્ર 7 કલાક અને 30 મિનિટમાં કાપી શકાશે, જે મુસાફરો માટે અત્યંત સુવિધાજનક બનશે.

સુરતના વેપારીઓ અને નાગરિકો માટે આ ટ્રેન એક મોટી રાહતરૂપ સાબિત થશે. હવે તેઓ સવારે વંદે ભારત મારફતે અમદાવાદ અથવા ઉદયપુર જઈ શકે છે, દિવસભરનું પોતાનું કામ પતાવી શકે છે અને રાત્રે 11 વાગ્યા સુધીમાં સુરત પરત ફરી શકે તેવી વ્યવસ્થા ગોઠવવામાં આવી છે.