સોશિયલ મીડિયા ટ્રેકિંગથી પાલ પોલીસે અમદાવાદથી ઝડપાવ્યા 7 મહિનાથી નાસતા ફરતા છેતરપિંડીના આરોપીને

પાલ પોલીસ મથકમાં નોંધાયેલા છેતરપિંડીના ગુનામાં છેલ્લા 7 મહિનાથી નાસતા ફરતા આરોપી અકીલ અબ્દુલ કુરેશીને પોલીસે ઝડપી પાડ્યો છે. સોશિયલ મીડિયામાં એકાઉન્ટ્સની મદદથી આરોપીને અમદાવાદથી ઝડપી પાડવામાં પોલીસને સફળતા મળી હતી.

આરોપી ધરપકડથી બચવા સતત ઠેકાણાં બદલતો હતો અને પરિવાર સાથે પણ સંપર્ક રાખતો નહોતો. તેનો કોઈ સક્રિય નંબર ઉપલબ્ધ ન હોવાથી પાલ પોલીસે તેના ઇન્સ્ટાગ્રામ તથા જીમેઇલ આઇડીના આઇ.પી. એડ્રેસનું એનાલિસિસ કર્યું હતું. ટેકનિકલ તપાસ દરમિયાન આરોપીના બે સક્રિય મોબાઇલ નંબર સામે આવ્યા હતા.

આ બંને નંબરોના સીડીઆર અને લાઇવ લોકેશન ટ્રેકિંગના આધારે પોલીસે વોચ ગોઠવી આરોપીને અમદાવાદ બસ સ્ટેન્ડ ખાતેથી ઝડપી પાડ્યો હતો.