રાજકોટમાં સૌરાષ્ટ્રના સૌથી મોટા રાવણનું દહન! રેસકોર્સ ગ્રાઉન્ડ ખાતે ભવ્ય આયોજન; 60 ફૂટના રાવણ અને 50-50 ફૂટના કુંભકર્ણ-મેઘનાદનાં પૂતળાંનું દહન નિહાળવા ઉમટી જનમેદની

રાજકોટના રેસકોર્સ ગ્રાઉન્ડ ખાતે દશેરાના પર્વ નિમિત્તે ભવ્ય રાવણ દહનનું આયોજન કરવામાં આવ્યું હતું. જેમાં 60 ફૂટ ઊંચા રાવણના પૂતળા સાથે 50-50 ફૂટ ઊંચા કુંભકર્ણ અને મેઘનાદનાં પૂતળાંનું પણ દહન કરવામાં આવ્યું હતું.
આ ભવ્ય આયોજનને નિહાળવા મોટી સંખ્યામાં શહેરીજનો રેસકોર્સ ગ્રાઉન્ડ ખાતે ઉમટી પડ્યા હતા. રાવણ, કુંભકર્ણ અને મેઘનાદનાં વિશાળ પૂતળાંના દહન સાથે સમગ્ર વાતાવરણ ઉત્સાહમય બની ગયું હતું.
દશેરાના પર્વે યોજાયેલા આ ભવ્ય કાર્યક્રમમાં અસત્ય પર સત્યના વિજયનો સંદેશ આપવામાં આવ્યો હતો. રાજકોટમાં રાવણ દહનનો આ ભવ્ય નજારો લોકો માટે આકર્ષણનું કેન્દ્ર બન્યો હતો.