લીલીયા તાલુકામાં ડબલ હત્યા: પોલીસએ 60 હજાર રૂપિયાની ઝઘડામાં આરોપીઓને ધરપકડ કરી

2 નવેમ્બરે ગુંદરણ ગામની સીમામાં વાડીમાં પાર્ક કરેલી તુફાન ગાડીમાં બે યુવકો સૂતા હતા. અજાણ્યા શખ્સોએ ગાડીને આગ ચાંપી, બંને યુવકો જીવતા ભડથું થઈ ગયા, ઘટનાથી સમગ્ર પંથકમાં ભારે ચકચાર મચી ગઈ.

મૃતકોની ઓળખ મધ્યપ્રદેશના અલીરાજપુર જિલ્લાના વતની 16 વર્ષીય રવિ કમલેશભાઈ બધેલ અને 21 વર્ષીય નીતિન રામસિંગ પચાયા તરીકે થઈ છે. બંને મજૂરી કામે અમરેલી આવ્યા હતા.

પ્રાથમિક તપાસમાં સામે આવ્યું છે કે તુફાન ગાડીના હપ્તા/ખરીદીની લેતીદેતીમાં ઝઘડો થયો હતો. લગભગ 60 હજાર રૂપિયાની લેતીદેતીમાં આ અમાનવીય હત્યા કરવામાં આવી હોવાનું પોલીસનું કહેવું છે.

પોલીસે ટેકનિકલ સર્વેલન્સ અને બાતમીના આધારે મધ્યપ્રદેશના મહિન્દ્રા ગામના વતની વિનોદ વરસંગ ડોડીયાર અને રાજુ ડોડીયારની ધરપકડ કરી. બંને આરોપીઓને ઘટનાસ્થળે લઈ જઈને પોલીસએ ક્રાઈમ સીનનું રીકન્સ્ટ્રક્શન પણ કરાવ્યું હતું.

હાલ પોલીસે બંને આરોપીઓ સામે હત્યાનો ગુનો નોંધાવી વધુ તપાસ હાથ ધરશે.