મુકતુપુર ગામે જાહેરમાં જુગાર રમતા 5 શખ્સો ₹62,920 ના મુદ્દામાલ સાથે ઝડપાયા

માંગરોળ મરીન પોલીસે મુકતુપુર ગામ ખાતે જાહેરમાં જુગાર રમતા પાંચ જુગારીઓને ઝડપી પાડ્યા છે. આ કાર્યવાહી દરમિયાન પોલીસે તેમની પાસેથી રોકડ રકમ સહિત કુલ ₹62,920/- નો મુદ્દામાલ કબજે કર્યો છે.

પોલીસ સૂત્રો પાસેથી મળતી માહિતી મુજબ, મુકતુપુર ગામમાં કેટલાક ઈસમો જાહેરમાં જુગાર રમી રહ્યા હોવાની બાતમી પોલીસને મળી હતી. જેના આધારે પોલીસે તાત્કાલિક ઘટના સ્થળે દરોડો પાડી પાંચ જુગારીઓને રંગેહાથ ઝડપી લીધા હતા.

ઝડપાયેલા જુગારીઓ પાસેથી પોલીસે ₹62,920/- ની રોકડ રકમ અને જુગાર રમવા માટે ઉપયોગમાં લેવાતા સાધનો કબજે કર્યા છે. પોલીસે તમામ જુગારીઓ વિરુદ્ધ ગુનો નોંધી કાયદેસરની કાર્યવાહી હાથ ધરી છે અને વધુ તપાસ હાથ ધરી છે.