વિરમગામમા મકાનમાં ફાંસો ખાઈ 45 વર્ષના પુરુષ એ જીવન ટૂંકાવ્યું

વિરમગામ શહેરના મુનસર રોડ પર આવેલા વેરાઈ માતાના મંદિર પાસેના મકાનમાં એક પુરુષે અગમ્ય કારણોસર ફાંસો ખાઈ જીવન ટૂંકાવ્યું હોવાની ઘટના સામે આવી છે.મળતી માહિતી મુજબ, ભરતજી મંગાજી ઠાકોર (ઉંમર 45 વર્ષ) પોતાના રહેણાંક મકાનમાં ફાંસો ખાઈ લેતા ઘટનાની જાણ આસપાસના લોકોને થઈ હતી. ઘટનાને પગલે ચકચાર મચી ગઈ હતી.
ઘટનાની જાણ થતાં વિરમગામ ટાઉન પોલીસ ઘટનાસ્થળે પહોંચી હતી અને મૃતદેહને પોસ્ટમોર્ટમ માટે વિરમગામની સરકારી હોસ્પિટલ ખાતે ખસેડવામાં આવ્યો હતો.
સમગ્ર મામલે વિરમગામ ટાઉન પોલીસે વધુ તપાસ હાથ ધરી છે.
રિપોર્ટર.
આસીક અલી ગીલાણી
વિરમગામ