બગસરા માં શો-રૂમ પ્રોજેક્ટ માટે વેપારીઓને 4 લાખથી વધુની છેતરપિંડી, આરોપી સામે ગુનો દાખલ

બગસરા, અમરેલીમાં શો-રૂમ બનાવવા નામે વેપારીઓ સાથે મોટી છેતરપિંડીનો કેસ આવ્યો છે. બગસરા જેતપુર રોડ પર નાયરા પંપની બાજુમાં રહેતા અને વેપાર કરતા મેહુલભાઈ જયંતિભાઈ વાઘેલા (ઉ.વ. 41) સામે રૂ. 1,31,000/-ની છેતરપિંડીની ફરિયાદ નોંધાઈ છે.

આરોપી અનિલભાઈ રાઠોડ ઉર્ફે પ્રણવભાઈ સોનીએ બગસરા અને અમરેલીમાં બ્રાન્ડેડ કપડાં તથા બૂટ-ચપ્પલનો શો-રૂમ બનાવવા માટે બાબુભાઈ સતાસીયાની દુકાન ભાડે રાખી હોવાનું જણાવી વેપારીઓનો વિશ્વાસ કેળવ્યો હતો.

અનિલભાઈએ મેહુલભાઈ પાસેથી પ્લાયવૂડના 40 પાટિયા, 50 કિલો ફેવિકોલ, શટર લોક, કલરના ડબ્બા વગેરે ઉધાર લઈ પેમેન્ટ ચૂકવ્યો ન હતો. હિરાણી હાર્ડવેરમાંથી રૂ. 36,100/-નું કલર, ગોપી ઇલેક્ટ્રિકમાંથી રૂ. 1,60,660/-નું વાયર-પંખાનો સામાન અને વૃંદાવન ઇલેક્ટ્રિકમાંથી રૂ. 74,000/-નું AC અને LED TV ઉધાર લીધા હતા.

મોટા ચાર વેપારીઓ પાસેથી કુલ રૂ. 4,01,760/-ની સામગ્રી ઉધાર લઈને નાણાં ન આપતા અનિલભાઈ સામે બગસરા પોલીસ સ્ટેશનમાં ગુનો દાખલ થયો છે. પો. સબ ઇન્સ. એચ.જી. મારૂ તપાસ ચલાવી રહ્યા છે.

રિપોર્ટર: રંગપરા શૈલેષભાઈ, NEED 24 NEWS, અમરેલી.