સુરતમાં મતદાર યાદી સુધારણા માટે 4 દિવસીય ખાસ ઝુંબેશ: નવા મતદારોને જોડવા પર ભાર

ભારતીય ચૂંટણી પંચ દ્વારા સમગ્ર રાજ્યમાં મતદાર યાદી સુધારણાની પ્રક્રિયા સતત હાથ ધરવામાં આવી રહી છે. આ અંગે માહિતી આપવા માટે સુરત જિલ્લા કલેક્ટર અને ચૂંટણી અધિકારી તેજસ પરમારની અધ્યક્ષતામાં એક પત્રકાર પરિષદ યોજાઈ હતી. જેમાં જાહેરાત કરવામાં આવી હતી કે, બાકી રહી ગયેલા, નામ કમી થયેલા તેમજ 18 વર્ષ પૂર્ણ કરનારા નવા યુવા મતદારોના નામ નોંધવા માટે સુરતમાં 4 દિવસની એક ખાસ ઝુંબેશ ચલાવવામાં આવશે. આ ઝુંબેશ દરમિયાન નાગરિકો મતદાન મથકે જઈને ફોર્મ નંબર 6 ભરીને મતદાર યાદીમાં પોતાનું નામ સરળતાથી નોંધાવી શકશે.