ઉધનામાં 34 વર્ષથી પરંપરાગત નવરાત્રી ગરબાનું આયોજન

ઉધના વિસ્તારમાં આવેલા કાશીનગર સોસાયટી ખાતે નવરાત્રી પર્વની ઉજવણીના ભાગરૂપે શ્રી માધવ ગૌશાળા અને Triple K ગ્રુપ દ્વારા ભવ્ય ગરબાનું આયોજન કરવામાં આવ્યું હતું.

આ ગરબાનું આયોજન છેલ્લા 34 વર્ષોથી પરંપરાગત રીતે કરવામાં આવી રહ્યું છે, જે આ વિસ્તારની એક આગવી ઓળખ બની ગયું છે. દર વર્ષની જેમ આ વર્ષે પણ મોટી સંખ્યામાં સ્થાનિક રહીશો અને ભક્તોએ ભાગ લીધો હતો.

આ કાર્યક્રમમાં માતાજીની આરતી અને ભક્તિમય ગીતોની રમઝટ સાથે સૌ કોઈ મંત્રમુગ્ધ થઈ ગયા હતા. આયોજકો દ્વારા ઉત્સાહપૂર્ણ માહોલમાં કાર્યક્રમને સફળ બનાવવા માટે વિશેષ વ્યવસ્થા કરવામાં આવી હતી.