સુરત ક્રાઈમ બ્રાન્ચની મોટી સફળતા: 30 વર્ષ જૂની હીરાની લૂંટના કેસમાં આરોપીની ધરપકડ

સુરત ક્રાઈમ બ્રાન્ચને 30 વર્ષ જૂની લૂંટના કેસમાં મોટી સફળતા મળી છે. મહિધરપુરા હીરા બજારમાં વર્ષ 1997માં હથિયારની અણીએ થયેલી 1.50 લાખ રૂપિયાની હીરાની લૂંટના કેસમાં આરોપી મહેશ ભદોરિયાની ધરપકડ કરવામાં આવી છે.

લૂંટની ઘટના બાદ આરોપી સુરત છોડીને મધ્યપ્રદેશ ભાગી ગયો હતો. લાંબા સમયથી પોલીસની પકડમાંથી બચી રહેલો આરોપી વર્ષો બાદ પોલીસની પકડમાં આવ્યો છે.

ક્રાઈમ બ્રાન્ચની ટીમે આરોપીને મધ્યપ્રદેશમાંથી શોધી કાઢીને ધરપકડ કરી છે. આ ધરપકડથી 30 વર્ષ જૂના આ ગંભીર કેસમાં ન્યાય મળશે એવી અપેક્ષા રાખવામાં આવી છે.