અરવલ્લીમાં પોશડોડા ભરેલી કાર રોકતા પોલીસ પર ફાયરિંગ, 3 રાઉન્ડ ગોળીબાર

અરવલ્લી જિલ્લામાં કાયદો અને વ્યવસ્થાની સ્થિતિ વણસી રહી હોય તેવા સંકેતો મળી રહ્યા છે. ગઈકાલે મોડી રાત્રે પોલીસે એક શંકાસ્પદ કારને રોકવાનો પ્રયાસ કર્યો હતો. આ કારમાં મોટા પ્રમાણમાં પોશડોડા ભરેલું હોવાનું પ્રાથમિક અનુમાન છે. પોલીસને જોઈને કાર ચાલકે કાર રોકવાને બદલે ભાગવાનો પ્રયાસ કર્યો હતો.

પોલીસે પીછો કરતા કાર ચાલકે પોલીસ પર ત્રણ રાઉન્ડ ફાયરિંગ કર્યું. બુટલેગરો દ્વારા કરવામાં આવેલા આ ફાયરિંગથી પોલીસ ચોંકી ઉઠી હતી. જોકે, પોલીસ જવાનોએ હિંમત ગુમાવ્યા વિના જવાબી કાર્યવાહી કરી અને પોતાની સુરક્ષા માટે ગોળીબાર કર્યો.

આ ઘટનામાં કોઈ જાનહાનિ થઈ નથી, પરંતુ પોલીસ અને બુટલેગરો વચ્ચે થયેલા ફાયરિંગના કારણે સમગ્ર વિસ્તારમાં ચકચાર મચી ગઈ છે. પોલીસે ઘટનાસ્થળે પહોંચી વધુ તપાસ હાથ ધરી છે અને ફરાર થયેલા બુટલેગરોને ઝડપી પાડવા માટે નાકાબંધી કરી છે.