જામનગર નજીક ચેલા-ચાંગા રોડ પર ઓટો-કાર ટક્કરથી 3નું મોત, 10 ઇજાગ્રસ્ત

જામનગર નજીક ચેલા-ચાંગા રોડ પર એક અત્યંત ગમખ્વાર માર્ગ અકસ્માત સર્જાયો, જેમાં ભોડેશ્વર મંદિરે દર્શનાર્થે જઈ રહેલી ઓટો રિક્ષા અને સામેથી ઝડપથી આવતી કારની જોરદાર ટક્કર થઈ.

આ ભયાનક અકસ્માતમાં પ્રાથમિક માહિતી મુજબ 3 વ્યક્તિઓનું કરૂણ મોત નીપજ્યું, જેમાં 20 વર્ષીય નવીન પઠાણનો સમાવેશ થાય છે. અંદાજે 10 લોકો ઈજાગ્રસ્ત થયા, જેમાં 2 મહિલાઓ અને 5 થી 6 બાળકો સામેલ છે.

અકસ્માતની જાણ થતાં જ 108 એમ્બ્યુલન્સનો કાફલો ઘટનાસ્થળે દોડી ગયો અને તમામ ઈજાગ્રસ્તોને તાત્કાલિક સારવાર માટે જામનગરની જી.જી. હોસ્પિટલ ખાતે ખસેડવામાં આવ્યા.

અકસ્માતના પગલે ઘટનાસ્થળે અને હોસ્પિટલ પરિસરમાં ભારે અફરાતફરી અને દોડધામના દ્રશ્યો સર્જાયા.