ఆదిలాబాద్ లో 29న జాబ్ మేళా.. 101 ఉద్యోగాలు: జ్ఞానేశ్వర్

ఆదిలాబాద్ జిల్లా ఉపాధి కల్పన శాఖ ఆధ్వర్యంలో ఈ నెల 29న ఆదిలాబాద్ ప్రభుత్వ ఐటీఐలో జాబ్ మేళా నిర్వహించనున్నట్లు జిల్లా ఉపాధి కల్పనాధికారి జ్ఞానేశ్వర్ తెలిపారు. ఉదయం 10 గంటల నుంచి నిర్వహించే ఈ మేళాలో రెండు ప్రైవేట్ సంస్థల్లో వివిధ 101 ఉద్యోగాలకు అభ్యర్థులను ఎంపిక చేయనున్నట్లు పేర్కొన్నారు. అర్హత కలిగిన అభ్యర్థులు విద్యార్హత, అనుభవ ధ్రువపత్రాలు, ఎంప్లాయ్మెంట్ కార్డుతో జాబ్ మేళాకు హాజరు కావాలన్నారు.