એર ઇન્ડિયા એક્સપ્રેસે સુરત–શારજાહ ફ્લાઇટ 25 ઓક્ટોબરથી ફરી શરૂ કરી

25 ઓક્ટોબરથી એર ઇન્ડિયા એક્સપ્રેસની સુરત–શારજાહ–સુરત ફ્લાઇટ ફરી શરૂ થવાની જાહેરાત કરવામાં આવી છે. નવા શિડ્યૂલ મુજબ આ રૂટ સપ્તાહમાં ત્રણ દિવસ – બુધવાર, શુક્રવાર અને રવિવારે ઓપરેટ થશે.

ફેબ્રુઆરી 2019માં સુરત એરપોર્ટથી પ્રથમ ઇન્ટરનેશનલ ફ્લાઇટ શરૂ થઈ હતી, જે 7 વર્ષ સુધી સફળ સંચાલન બાદ સુરતની પ્રતિષ્ઠા સાથે વણાઈ ગઈ હતી. આ રૂટ સુરતની ડાયમંડ અને ટેક્સટાઇલ ઉદ્યોગપતિઓ માટે મિડલ ઇસ્ટના દરવાજા સીધા ખોલી દે છે.

સુરતીઓ અને ગલ્ફમાં વસતા ગુજરાતીઓમાં આ જાહેરાતને લઇને ઉત્સાહનો માહોલ જોવા મળી રહ્યો છે. સુરત એરપોર્ટની વૈશ્વિક નકશા પરની સ્થિતિ ફરીથી મજબૂત થવાની આશા છે.