વિરમગામ-નળસરોવર રોડ પર ગમખ્વાર અકસ્માત પિકઅપ વાનની અડફેટે બાઇકસવાર 23 વર્ષીય યુવકનું મોત

વિરમગામ નળસરોવર રોડ પર કુમારખાન અને નાના શાહપુર ગામ વચ્ચે પિકઅપ વાનની અડફેટે બાઇકસવાર યુવકનું મોત નીપજવાની દુઃખદ ઘટના સામે આવી છે.
મળતી માહિતી મુજબ, પૂરઝડપે જતી પિકઅપ વાનના ચાલકે બાઇકને અડફેટે લેતાં બાઇકસવાર મહેશભાઈ ગોવિંદભાઈ કોળી પટેલ ઉંમર વર્ષ 23 રહે. નાના શાહપુર, ગંભીર અકસ્માતનો ભોગ બન્યા હતા. આ અકસ્માતમાં તેમનું ઘટનાસ્થળે જ મોત નીપજ્યું હતું.ઘટનાની જાણ થતાં નળસરોવર પોલીસ ઘટનાસ્થળે પહોંચી હતી. પોલીસે મૃતદેહને પોસ્ટમોર્ટમ માટે વિરમગામ સરકારી હોસ્પિટલ ખાતે ખસેડ્યો હતો. આ અકસ્માત અંગે નળસરોવર પોલીસે વધુ તપાસ હાથ ધરી છે.
રિપોર્ટર આસીક અલી ગીલાણી વિરમગામ