પલસાણા પોલીસે બિહારથી 21 વર્ષથી ફરાર હત્યાના આરોપીને ઝડપી પાડ્યો

સુરત જિલ્લાના પલસાણા પોલીસ સ્ટેશન દ્વારા હત્યાના ગુનામાં છેલ્લા 21 વર્ષથી ફરાર ચાલી રહેલા આરોપીને બિહાર રાજ્યમાંથી ઝડપી પાડવામાં આવ્યો છે. આ સફળ કાર્યવાહીના પગલે પોલીસની કામગીરીની પ્રશંસા થઈ રહી છે.

પોલીસ સૂત્રો પાસેથી પ્રાપ્ત માહિતી અનુસાર, પલસાણા પોલીસે બાતમીના આધારે બિહારના મુઝફ્ફરપુર જિલ્લાના સાહેબગંજ વિસ્તારમાં દરોડો પાડી આરોપી રામનરેશ ઉર્ફે રતન શાહુને ઝડપી પાડ્યો હતો. આરોપી વર્ષ 2003થી હત્યાના ગુનામાં વોન્ટેડ હતો અને પોલીસ તેને શોધી રહી હતી.

આરોપી છેલ્લા 21 વર્ષથી પોલીસની પકડથી દૂર રહીને છુપાઈને રહેતો હતો. પલસાણા પોલીસે સતત પ્રયાસો અને બાતમીદારોની મદદથી આખરે તેને બિહારથી પકડી પાડવામાં સફળતા મેળવી છે. આરોપીને સુરત લાવીને કાયદેસરની કાર્યવાહી હાથ ધરવામાં આવશે.