સુરતની સુમન હાઈસ્કૂલના 20 વિદ્યાર્થીઓ વર્લ્ડ સ્ટેમ એન્ડ રોબોટિક્સ ઓલિમ્પિયાડમાં દેશનું પ્રતિનિધિત્વ કરશે

સુરત મહાનગરપાલિકા સંચાલિત સુમન હાઈસ્કૂલના વિદ્યાર્થીઓએ રાષ્ટ્રીય સ્તરે પોતાની ટેકનોલોજીકલ પ્રતિભા દર્શાવવા માટે તૈયારીઓ પૂર્ણ કરી લીધી છે. ગોવા ખાતે 26 અને 27 સપ્ટેમ્બર 2026 દરમિયાન પેડમ ઇન્ડોર સ્ટેડિયમ ખાતે યોજાનારી વર્લ્ડ સ્ટેમ એન્ડ રોબોટિક્સ ઓલિમ્પિયાડ (WSRO) નેશનલ ચેમ્પિયનશિપ 2026માં સુરતની સુમન શાળાઓના 20 તેજસ્વી વિદ્યાર્થીઓની પસંદગી કરવામાં આવી છે.

આ સ્પર્ધામાં વિદ્યાર્થીઓમાં આર્ટિફિશિયલ ઇન્ટેલિજન્સ (AI) અને રોબોટિક્સ ક્ષેત્રે નવા ઇનોવેશન તેમજ ટેકનિકલ કૌશલ્યને પ્રોત્સાહન આપવાના ઉદ્દેશ્ય સાથે છેલ્લા નવ વર્ષથી જિલ્લા, રાજ્ય અને રાષ્ટ્રીય સ્તરે WSRO નું સફળ આયોજન કરવામાં આવે છે. આ વર્ષે ગોવા ખાતે યોજાનારી રાષ્ટ્રીય સ્પર્ધામાં દેશના 6 રાજ્યો અને 8 શહેરોમાંથી 400 જેટલી ટીમો તથા 1000 થી વધુ વિદ્યાર્થીઓ ઉત્સાહભેર ભાગ લેશે.

આ સ્પર્ધા અત્યંત સ્પર્ધાત્મક રહેશે, જેમાં ટોચની પ્રથમ ત્રણ ટીમો આંતરરાષ્ટ્રીય કક્ષાએ દેશનું પ્રતિનિધિત્વ કરવાની ગૌરવપૂર્ણ તક મેળવશે. સુરતની સુમન શાળાઓના વિદ્યાર્થીઓની આ સિદ્ધિ શહેર માટે ગૌરવની વાત છે અને તે ભવિષ્યના ટેકનોલોજીકલ લીડર્સને પ્રેરણા આપશે.