બગોદરા મેમર ગામમાં 20 વર્ષીય યુવકની અર્ધ બળેલી લાશ મળી

બગોદરા નાં મેમર ગામમાં 20 વર્ષીય યુવકની અર્ધ બળેલી લાશ મળી આવી છે. યુવક સાતમની સાંજથી ગાયબ હતો અને આઠમની બપોરે તેના મોટરસાઇકલનું અવશેષ ગામજનોને દેખાયું.

ગામજનો લાશ મળી આવતાં જ તાત્કાલિક બગોદરા પોલીસને જાણ કરી. પોલીસ ઘટના સ્થળ પર પહોંચીને પ્રાથમિક તપાસ શરૂ કરી અને લાશની સ્થિતિને ધ્યાનમાં લઈને અર્ધ બળેલી હોવાની પુષ્ટિ કરી અને લાશ ને પી એમ અર્થે બગોદરા સરકારી હોસ્પિટલ માં મોકલવામાં આવી.

પોલીસે ઘટનાની તપાસમાં અજાણ્યા શખસો વિરુદ્ધ ગુનો નોંધ્યો છે અને આગળની તપાસ ચાલુ રાખી રહી છે. હાલ સુધીમાં કોઈ શંકાસ્પદ વ્યક્તિની ઓળખ કરવામાં આવી નથી, અને તપાસમાં વધુ માહિતી મેળવવા માટે ગામજનોની સહકારની અપેક્ષા રાખવામાં આવી છે.