સગનપુરા માં 2 વર્ષથી પાણીની ટાંકી બંધ, ગ્રામજનો પરેશાન

પંચમહાલ જિલ્લાના કાલોલ તાલુકાના સગનપુરા ગામમાં છેલ્લા 2 વર્ષથી પાણીની ટાંકી બંધ હાલતમાં પડી છે. ટાંકી બંધ હોવાથી ગામના 500 થી વધુ પરિવારોને પીવાના પાણી માટે રોજ મુશ્કેલીનો સામનો કરવો પડી રહ્યો છે.

ગ્રામજનો દ્વારા અનેક વખત સરપંચ અને તલાટીને રજૂઆત કરવામાં આવી છે, પરંતુ હજુ સુધી કોઈ નિરાકરણ આવ્યું નથી. ચોમાસામાં પણ ટાંકીમાં પાણી નથી આવતું.

ગ્રામજનોની માંગ છે કે તંત્ર વહેલી તકે ટાંકીનું સમારકામ કરાવે અને નિયમિત પાણી ચાલુ કરે.