ಅನ್ನದಾತ ರೈತರ ಬೆಳೆಗಳಿಗೆ ಜನವರಿ ಕೊನೆಯವರೆಗೆ ನೀರು ಬಿಡಿಸಲು ಒತ್ತಾಯಿಸಿ ನ.16 ರಂದು ರಸ್ತೆ ತಡೆ ಬೃಹತ್ ಹೋರಾಟ ರೂಪುರೇಷೆ ತಯಾರಿ

ಅನ್ನದಾತ ರೈತರ ಬೆಳೆಗಳಿಗೆ ಜನವರಿ ಕೊನೆಯವರೆಗೆ ನೀರು ಬಿಡಿಸಲು ಒತ್ತಾಯಿಸಿ ನ.16 ರಂದು ರಸ್ತೆ ತಡೆ ಬೃಹತ್ ಹೋರಾಟ

ರಾಯಚೂರು: "ಅನ್ನದಾತ ದೇವರುಗಳಾದ ರೈತರ ಬೆಳೆಗಳಿಗೆ ಜನವರಿ ಕೊನೆಯವರೆಗೆ ನೀರು ಬಿಡಿಸುವಂತೆ ಒತ್ತಾಯಿಸಿ.ಇದೇ ನ.16ರಂದು ಸಿರವಾರ ಕ್ರಾಸ್ ಬಳಿ ರಸ್ತೆ ತಡೆ ಬೃಹತ್ ಹೋರಾಟವನ್ನು ಹಮ್ಮಿಕೊಳ್ಳಲಾಗಿದೆ.

ಇದರ ಭಾಗವಾಗಿ ತಾಲ್ಲೂಕಿನ ವಿವಿಧ ಹಳ್ಳಿಗಳಿಗೆ ಶಾಸಕಿ ಪುತ್ರಿ ಕುಮಾರಿ ಗೌರಿ ನೇತೃತ್ವದಲ್ಲಿ ಪ್ರತಿಯೊಂದು ಹಳ್ಳಿಗಳ ರೈತರಿಗೆ ಹೋರಾಟದಲ್ಲಿ ಭಾಗವಹಿಸುವಂತೆ ಮನವರಿಕೆ ಮಾಡಲಾಯಿತು.

ಬುಂಕಲದೊಡ್ಡಿ,ಚಿಂಚೋಡಿ,ಲಿಂಗದಳ್ಳಿ, ಹೊಸೂರು ಸಿದ್ದಾಪುರ, ಬೊಮ್ಮನಳ್ಳಿ, ಸೋಮನಮರಡಿ ಸೇರಿದಂತೆ ಇನ್ನಿತರೆ ಹಳ್ಳಿಗಳಿಗೆ ಜೆಡಿಎಸ್ ಪಕ್ಷದ ವಿವಿಧ ಘಟಕದ ನಾಯಕರು ಭೇಟಿ ನೀಡಿ ಮಾತನಾಡಿದರು. ಪ್ರತಿ ಹಳ್ಳಿಯಲ್ಲಿ ಪಕ್ಷದ ಕಾರ್ಯಕರ್ತರು, ಅಭಿಮಾನಿಗಳು ಅದ್ದೂರಿಯಾಗಿ ಸ್ವಾಗತ ಮಾಡಿಕೊಂಡರು.

ಪಕ್ಷದ ತಾಲ್ಲೂಕು ಅಧ್ಯಕ್ಷ ಬಸನಗೌಡ ದೇಸಾಯಿ, ಯುವ ಘಟಕದ ಅಧ್ಯಕ್ಷ ರಮೇಶ್ ರಾಮನಾಳ,ಎಸ್ಟಿ ಮೋರ್ಚಾ ಘಟಕದ ಅಧ್ಯಕ್ಷ ಗೋವಿಂದರಾಜು ತಿಂಪೂರ,ಶಿವನಗೌಡ ನಾಯಕ, ಮಗ್ದುಮ್ ಹುಸೇನ್,ಯಲ್ಲಪ್ಪ ಗಚ್ಚಿನಮನಿ ಸೇರಿದಂತೆ ಇತರರು ಇದ್ದರು.

ಹೋರಾಟದ ಪ್ರಮುಖ ಬೇಡಿಕೆಗಳು:
- ಜನವರಿ ಕೊನೆಯವರೆಗೆ ನೀರು ಬಿಡಿಸಿ
- ರೈತರ ಬೆಳೆಗಳನ್ನು ಉಳಿಸಿ
- ರೈತರ ಬದುಕನ್ನು ಕಾಪಾಡಿ

"ರೈತ ದೋಷಣೆ ನಮ್ಮ ದೋಷಣೆ... ರೈತರ ಹೋರಾಟಕ್ಕೆ ಬೆಂಬಲಿಸಿ..." ಎಂದು ಕರೆ ನೀಡಲಾಗಿದೆ.