સુરતના ભટારમાં પિતા-પુત્ર વિવાદે ગંભીર વળાંક, 15 વર્ષીય કિશોરે બાથરૂમમાંથી કડી મારી

સુરત શહેરના ભટાર વિસ્તારમાં પિતા અને પુત્ર વચ્ચે થયેલા સામાન્ય વિવાદે ગંભીર વળાંક લીધો હતો. બોલાચાલીથી નારાજ થઈ 15 વર્ષીય કિશોરે પોતાને બાથરૂમમાં બંધ કરી અંદરથી કડી મારી દીધી હતી.

પિતાના વારંવારના પ્રયાસો છતાં પુત્ર બહાર ન આવતા અને કોઈ અણબનાવ બનવાની આશંકા સેવાતા પિતાએ તુરંત ફાયર બ્રિગેડને જાણ કરી હતી.

ફાયર અને પોલીસ વિભાગની ટીમે તાકીદે ઘટનાસ્થળે પહોંચી બાથરૂમનું લોક તોડી કિશોરને સુરક્ષિત બહાર કાઢ્યો હતો.