વીરમગામના નિલકી ગામે બંધ મકાનને તસ્કરોએ બનાવ્યું નિશાનસોનાના દાગીના સહિત રૂ. 1,39,850ની મત્તાની ચોરી

અમદાવાદમ જીલ્લાના વિરમગામ તાલુકાના નિલકી ગામમાં ચોરીની ઘટના સામે આવી છે. ગામમાં રહેતા વેલાભાઈ કરસનભાઈ ભરવાડ પોતાના રહેણાક મકાનની બહાર રાત્રિના સમયે સૂતા હતા. આ દરમિયાન અજાણ્યા ઇસમોએ બંધ મકાનને નિશાન બનાવી તિજોરીના લોક તોડી અંદરથી સોનાના દાગીના સહિત અંદાજિત રૂ. 1,39,850ની મત્તાની ચોરી કરી ફરાર થઈ ગયા હતા.
ઘટનાની જાણ થતાં વીરમગામ ટાઉન પોલીસ દ્વારા તપાસ હાથ ધરવામાં આવી હતી. આ સમગ્ર મામલે વેલાભાઈ કરસનભાઈ ભરવાડે વીરમગામ ટાઉન પોલીસ મથકે ચોરી અંગે ફરિયાદ નોંધાવી છે. પોલીસે ફરિયાદના આધારે વધુ તપાસ શરૂ કરી છે.
રિપોર્ટર આસીકઅલી ગીલાણી
વિરમગામ