વીરમગામ નગરપાલિકાના દ્વારા આયોજિત 12મા તબકકાનો સેવા સેતુ કાર્યક્રમમાં 750 લાભાર્થીઓએ લીધો લાભ

અમદાવાદ જીલ્લાની વીરમગામ નગરપાલિકા, દ્વારા પારદર્શી વહીવટી તંત્ર અંતર્ગત નાગરિકોને સરકારી યોજનાઓનો લાભ અને વિવિધ સેવાઓ સ્થળ પર જ મળી રહે તે હેતુથી સેવા સેતુ કાર્યક્રમ નું આયોજન કરવામાં આવ્યું હતું. વીરમગામ ખાતે યોજાયેલા આ કાર્યક્રમમાં આવક જાતિના દાખલા, રેશનકાર્ડ સંબંધિત કામગીરી, આધારકાર્ડ, PMJAY અરજી તથા મફત હેલ્થ ચેકઅપ, સમાજ કલ્યાણ અને આદિજાતિ વિકાસ વિભાગની યોજનાઓ, બસ કન્સેશન પાસ, નિરાધાર વૃદ્ધ પેન્શન સહિતની વિવિધ સેવાઓ ઉપલબ્ધ કરાવવામાં આવી હતી.કાર્યક્રમ દરમિયાન અંદાજે 750 લાભાર્થીઓએ વિવિધ સરકારી સેવાઓનો લાભ લીધો હતો. નાગરિકોને એક જ સ્થળે વિવિધ વિભાગોની સેવાઓ મળતાં કાર્યક્રમને લઈને લોકોમાં સારો પ્રતિસાદ જોવા મળ્યો હતો.
અહેવાલ આસીકઅલી ગીલાણી વીરમગામ