ઝઘડિયાના સંજાલી ગામમાં દીપડાનો 12 વર્ષીય બાળકી પર હુમલો, સ્થાનિકોમાં ભયનો માહોલ

ભરૂચ જિલ્લાના ઝઘડિયા તાલુકાના સંજાલી ગામમાં દીપડાના હુમલાની ઘટના સામે આવી છે. પ્રાપ્ત માહિતી અનુસાર ભેંસ ચરાવવા ગયેલ પરિવાર ઉપર બપોરના સમયે બાળકી પર દિપડાનો હુમલો, 12 વર્ષીય બાળકી પર દીપડાએ અચાનક હુમલો કર્યો હતો.

આ ઘટના બનતાની સાથે જ સ્થાનિક લોકોમાં ભય અને ચિંતાનો માહોલ ફેલાયો છે. દીપડાના ભયને કારણે ગામલોકો સાંજ પડ્યા બાદ ઘરની બહાર નીકળતા પણ ડરી રહ્યા છે.

વન વિભાગને આ ઘટનાની જાણ કરવામાં આવી છે અને તેઓ દ્વારા દીપડાને પકડવા માટેના પ્રયાસો હાથ ધરવામાં આવે તેવી સ્થાનિકો દ્વારા માંગ કરવામાં આવી રહી છે. આ વિસ્તારમાં દીપડાની અવરજવર વધતા લોકોની સુરક્ષા સામે પ્રશ્નાર્થ સર્જાયો છે.