ડીસા રેલવે ફાટક પર ભયાનક ટ્રાફિક જામ, 108 એમ્બ્યુલન્સ પણ ફસાઈ

બનાસકાંઠા જિલ્લાના ડીસા તાલુકામાં ડીસાથી જૂના ડીસા તરફ જતા માર્ગ પર આવેલ રેલવે ફાટકના કારણે એક ભયાનક ટ્રાફિક જામની સ્થિતિ સર્જાઈ હતી. આ ટ્રાફિક જામમાં ઇમરજન્સી સેવા આપતી 108 એમ્બ્યુલન્સ પણ ફસાઈ જતાં તંત્રની વ્યવસ્થા સામે ગંભીર સવાલો ઊભા થયા છે.

રેલવે ફાટકના કારણે વાહનોની લાંબી કતારો લાગી હતી, જેના પગલે વાહનચાલકોને ભારે હાલાકીનો સામનો કરવો પડ્યો હતો. ખાસ કરીને, ઇમરજન્સી સેવા આપતી 108 એમ્બ્યુલન્સ ટ્રાફિકમાં ફસાઈ જતાં દર્દીઓને સમયસર સારવાર મળી રહે તે અંગે ચિંતાની લાગણી ફેલાઈ હતી.

આ ઘટનાએ ડીસા રેલવે ફાટક પર વારંવાર થતી ટ્રાફિક સમસ્યાના કાયમી ઉકેલની જરૂરિયાત પર ફરી એકવાર ભાર મૂક્યો છે. સ્થાનિકો અને વાહનચાલકો લાંબા સમયથી આ સમસ્યાના નિરાકરણની રાહ જોઈ રહ્યા છે.