અમદાવાદ: ગીતામંદિર નજીકથી 1034 નકલી મોબાઇલ ફોન અને લેપટોપનો જથ્થો ઝડપાયો, 7 લાખથી વધુનો મુદ્દામાલ કબજે

અમદાવાદ શહેરમાં ગીતામંદિર નજીકથી પોલીસે મોટી કાર્યવાહી કરી છે. LCB ઝોન 6 ની ટીમે એક સંયુક્ત દરોડા દરમિયાન 1,034 નકલી મોબાઇલ ફોન, લેપટોપ અને અન્ય એસેસરીઝનો જથ્થો ઝડપી પાડ્યો છે. આ જથ્થાની અંદાજિત કિંમત 7.07 લાખ રૂપિયાથી વધુ હોવાનું જાણવા મળ્યું છે.

પ્રાપ્ત માહિતી અનુસાર, આ નકલી મોબાઇલ ફોન અને એસેસરીઝ રિલીફ રોડ પર આવેલા એક માર્કેટમાંથી ખરીદવામાં આવ્યા હતા અને તેને વેચાણ માટે લાવવામાં આવ્યા હોવાની આશંકા છે. પોલીસે આ મામલે ટ્રેડમાર્ક એક્ટની વિવિધ કલમો હેઠળ કાર્યવાહી હાથ ધરી છે.

આ કેસમાં રમેશ સોલંકી અને જીતેન્દ્ર સહિત કુલ છ લોકો સામે ગુનો નોંધવામાં આવ્યો છે. પોલીસ આ નકલી મોબાઇલના વેચાણ અને તેના સપ્લાય ચેઇન અંગે વધુ તપાસ કરી રહી છે, જેથી આવા મોટા કૌભાંડનો પર્દાફાશ થઈ શકે.