સુરતના ન્યૂ સીટીલાઈટ વિસ્તારમાં 10મા માળે ભીષણ આગ, ₹2 કરોડનું નુકસાન

સુરતના અણુવ્રત દ્વાર નજીક ન્યૂ સીટીલાઈટ વિસ્તારમાં એક લક્ઝુરિયસ એપાર્ટમેન્ટના 10મા માળે મોડી રાત્રે એર કંડિશનરમાં શોર્ટ સર્કિટથી આગ લાગતાં ઘરવખરી બળીને ખાખ થઈ ગઈ હતી. સદનસીબે, પરિવાર સમયસર બહાર નીકળી જતાં જાનહાનિ ટળી હતી.

સુરત શહેરમાં આગ લાગવાની ઘટનાઓનો સિલસિલો યથાવત્ રહ્યો છે, ત્યારે વધુ એક ગંભીર દુર્ઘટના સામે આવી છે. સુરતના અણુવ્રત દ્વાર નજીક આવેલા પોશ ન્યૂ સીટીલાઈટ વિસ્તારમાં મોડી રાત્રે એક લક્ઝુરિયસ એપાર્ટમેન્ટના 10મા માળે અચાનક વિકરાળ આગ ફાટી નીકળી હતી.

પ્રાપ્ત માહિતી અનુસાર, એર કંડિશનરમાં શોર્ટસર્કિટ થવાના કારણે લાગેલી આ આગે જોતજોતામાં સમગ્ર ફ્લેટને લપેટમાં લઈ લીધો હતો. આ ઘટનામાં અંદાજે ₹2 કરોડના ફ્લેટનું કિંમતી ઈન્ટીરીયર અને ઘરવખરી બળીને ખાખ થઈ ગયાં હતાં.

જોકે, સદનસીબે પરિવારના સભ્યોએ સમયસૂચકતા વાપરીને તાત્કાલિક ફ્લેટમાંથી બહાર નીકળી જતાં મોટી જાનહાનિ ટળી હતી. આગે ફેલાવતા પહેલાં જ પરિવાર સુરક્ષિત બહાર નીકળી ગયો હતો.