મારુતિ નગર સોસાયટીમાં 10 ફૂટનો અજગર દેખાયો, વન વિભાગે સમયસર રેસ્ક્યૂ કર્યું

છતડીયા રોડ પર આવેલી મારુતિ નગર સોસાયટીના મુખ્ય પ્રવેશદ્વાર પાસે અંદાજે 10 ફૂટ લાંબો અજગર દેખાયો, જેનાથી સ્થાનિક રહીશોમાં કુતૂહલ અને ચિંતા ફેલાઈ.

અજગર જોવા મળતાં લોકોનાં ટોળાં એકત્રિત થયા, અને સોસાયટીના રહેવાસીઓએ તરત જ વન વિભાગને જાણ કરી. વન વિભાગની ટીમ સ્થળ પર પહોંચી અને ગણતરીની મિનિટોમાં અજગરનું સફળતાપૂર્વક રેસ્ક્યૂ કર્યું.

રહેણાંક વિસ્તાર અને મુખ્ય માર્ગ નજીક અજગર દેખાવાથી લોકોમાં ચિંતા પ્રસરી, પરંતુ વન વિભાગની સમયસરની કામગીરીથી રહેવાસીઓએ રાહતનો શ્વાસ લીધો.