સુરતના સારોલી ટેક્સટાઇલ માર્કેટમાં ભીષણ આગ, ફાયર બ્રિગેડની 10 ગાડીઓ ઘટનાસ્થળે

સુરતના સારોલી વિસ્તારમાં આવેલી સંગીની હબ-2 ટેક્સટાઇલ માર્કેટમાં આજે ભીષણ આગ લાગતાં અફરાતફરી મચી ગઈ હતી. માર્કેટના પહેલા માળે આગ લાગ્યાની જાણ થતાં જ ફાયર બ્રિગેડને જાણ કરવામાં આવી હતી.

ઘટનાસ્થળે ફાયર બ્રિગેડની અંદાજે 10 જેટલી ગાડીઓ તાત્કાલિક પહોંચી ગઈ હતી અને આગ પર કાબૂ મેળવવાની કામગીરી શરૂ કરી હતી. આગના કારણે માર્કેટમાં હાજર વેપારીઓ અને ખરીદી કરવા આવેલા લોકોમાં ભારે દોડધામ મચી ગઈ હતી.

આગની ઘટનામાં મોટા પ્રમાણમાં ધુમાડો ફેલાતા લોકોને શ્વાસ લેવામાં પણ મુશ્કેલી પડી હતી. પ્રાથમિક અનુમાન મુજબ, આગનું કારણ શોર્ટ સર્કિટ હોવાનું માનવામાં આવી રહ્યું છે. જોકે, આગ લાગવાના ચોક્કસ કારણની તપાસ હજુ ચાલુ છે.